D Hittä vu dr Alp Rindermatt ligget uf rund 1900 Meter hinder dr Bärgchetti vum Chinzig Chulm, underhalb vum Heech Pfaffä.
Diä Alp diänet a drii Familenä als Oberschtafel fir d Chiä und d Rinder, was dr Alp äü dr Namä ggä het. Normalerwiis sind si im Summer fir fiif Wuchä uf dr Rindermatt.
Uf dr Rindermatt wärdet Alpchääs und Mutschli produziärt.
«Ab und züä sig uf dr Alp Rindermatt ä usinnig gfirchigä Schtiär derthär cho, wo sogar bis i d Hittä innä cho sig. Ännet dä Bärgä sig äs äbä gäärä gheewsch züä und här ggangä.»
Ürner Sagäwält